As we nou ens ozze ierste helft weg kosten laoten…

As we nou ens ozze ierste helft weg kosten laoten…

SSA S.V. Lottum - GFC'33 6 (zon)

2 - 3

Wittenhorst 9 (zon)

Competitie

Groep 4 063

Datum

4 september 2022 9:30

Scheidsrechter

J.J. Pater

Accommodatie

Sportpark Ter Horst
Wittebrugweg 3
5961NJ
HORST
tel. 077-3983302

Fijne minsen, dao zien we dan eindelijk toch weer, wao we veurig jaor nog ut derde waren, zien we teagewoordig twie kier ut derde, oftewal doppeltdrei, oftewal zes, oftewal nog altied ut Vlaggenschip van GFC’33. Ozze jonge goden hebben allemaol un heerlijke vakantie genaote en kosten d’r vandaag weer volle bak teagen aan teage Wittenhorst 9. Eigenlijk zouden we thoes speulen in ut wonderschoene Grubbenvorst, maar helaas leet de graasmat van GFC os in de steek, zodoende moosten op ut onminselijk vruge tiedstip van 08:30 vertrekken nao Horsssss. Al snel werd dudelijk det dit wies te vruug waas, d’r waren namelijk verschillende laatkomers, namen zal ik in deze ierste wedstrijd nog ff sparen. Ma det waas nea ut enige wet in de soep leep, want onderweag kwamen we inens op ut idee det neemus van os un tenue tas had gezeen. Dao op maakte ozze nieje aanwinst Pim un handrembochtje, scheurde teruuk nao GFC en doa werd snel un tas toegeëigend dao os.

Mede doa de laatkomers en ut akkefietje met de tenues werd de warming-up weer flink ingekort en det ging twie van de niejkommers in os elftal nea in de kalde kleijer zitten zoe als straks zal blieken. Ik zal trouwens ens ierst ff os lieske met niejkommers veurstellen. Als ierste Max van den Hombergh en Björn Alsters, met zien twieje kieren ze teruuk op ut alde nest beej trainert Luc. Nou huur ik och metein dinken, nog enne van Alsters? Jao minse, nog enne van Alsters, auk weej weare geraakt dao de inflatie, dus toen we dit seizoen de deal kosten sloeten: 3 Alsters veur de pries van 1 heufde de staf nea lang nao te dinken. Verder werd Pim Coopmans van ut alde twiede van GFC’33 euvergenaome. Richard Ortsen is ozze veerde aanwinst, Devin Coenders d’n viefde en tot slot waas in un ver verleden Dennis Ophorst ozze doppeltdreite (=zasde) aanwinst.

Huh, dinkt ge no waarschienlijk, Dennis waas de doppeltdreite aanwinst? Jao minsen, ongeleufelijk maar waor, Dennis is nao ziene ierste wedstrijd beej os metein gestopt. Hoewel ozze naam, ut Vlaggenschip, um al aan ut dinken had kunnen zetten, bleek hea toch onderschat te hebben wie fanatiek we waren. Foutje, kin gebeuren, volgende kier beater, we wensen Dennis in idder geval vuul succes in zien verdere voetbalcarrière. Wat euverigens vandaag auk in de categorie ‘Foutje, kin gebeuren’ veel waas ozze ierste helft. Veural de keeper had vandaag enkele foutjes, en dan nea allein beej zien reddingen, maar auk zien oettrappen euverbrugden minder meaters dan sommige speulers van vandaag. En det is un prestatie op zich. Maar goed, al snel keken we dus teage unne 0-2 achterstand aan. Gelukkig wist Job dao toch nog wat teageneuver te zetten en tikte keurig de 1-2 teage de touwen. Helaas waar deze aansloeting van korte duur, want vlak veur de rust tikte wittenhorst de 1-3 d’r in.

Wea trouwens de ierste helft auk neet euverleafde helaas waas ozze Max. Dao un ongelukkige landing waas Max al snel oetgeschakeld en kos dea door nao ut ziekenhoës. Dao bleek al snel det ut nea best waas en det we Max veurluipig kwiët zien. Gelukkig head Max aangegeave in teagenstelling tot Dennis nog wal teruuk te kieren beej os elftal, beaterschap jong en tot snel op ut veld haopelijk. In de rust werd nog ens ff bespraoke wie slecht ut ging en werden enkele wissels doorgevoerd. Terwijl det gebeurde kwaam auk van os laatkomers aangewandeld in Horrsssss, speciaal op ziene fiets waasse nog nao gekomme um os in de twiede helft te steunen binnen de lienen.

De twiede helft ging gelukkig gans anders dan de ierste, ozze keeper waas un bietje wakker gewaore en ut samenspel kwaam mier tot leave. De verdediging heald ut keurig op slot achterin en de enkele balletjes die d’r no dao heer kwamen werden no wal keurig gevangen of weggewerkt door Sven. Helaas lukte ut allein nog nea um ut net van wittenhorst te raken, Job kwaam verdomd dicht beej unne treffer, waren ut nea det de paol van Hors os nea mei wou helpen. Lange tied leek ut dan auk beej 1-3 te blieven, tot aan zo’n vief minuten veur ut end van de pot. Wat d’r toen gebeurde zal nog lang in os geheugen beej blieven. Gifo Seelen besloot namelijk ens vanaaf iets boete de 16 van Horsss de bal op goal te poeieren en ik mot um naogeave, det waas en fijn belke. De bal vloog fenomenaal teage de touwen van de goal en zoe werd de eindstand op 2-3 bepaald.

Tot slot willen weej un paar minsen bedanken en uiteraard nog unne Man of the match oetropen. Als ierste, Johan bedankt desse samen met os op en belachelijk vruug tiedstip nao Hors bis afgereisd en uiteraard auk de meigereisde supporters bedankt veur de steun, hoapelijk kunnen we och volgende kier bedanken met beater voetbal. En dan de meist belangrieke vraog van alles, wea o wea waas Man of the match vandaag. Beej deze willen weej Dennis feliciteren met deze titel, waanzinnige pot!

Minsen, wies de volgende, beej zien is meimaken en zoe als altied natuurlijk: De heer zij met u en met uw geest, Amen!

Delen

voeg je eigen gadgets toe aan deze pagina!