Goojendaag fijne minsen, weej hebben dit weekend os maar weer ens de kicksen aangetrokken en veur ut ierst nao de zomerstop op home soil in Grubbenvorst gespeuld, oftewal weej hebben weer genog meigemak. Hegga 4 waas deze kier de teagenstander en det hebben sommige van os geweiten ok. Ik zal och dadelijk effe oetleggen wiezoe, maar we kinnen natuurlijk neet beginnen veurdet d’r toch weer enkele van os te laat kwamen. Gelukkig nao twiej snelle telefoontjes kwamen twie van os speulers toch nog snel genog opdagen. De eine had met ziene brakke kop de wekker gemist en de andere had ziene bril nea opgezet tiedens ut leaze van zien appjes euver wielaat we aanwezig moosten zien dit weekend. Al had hea zien bril volgens mich auk nea op toen hea oeit zien favoriete club in de eredivisie oetzocht, anders bisse nea veur Feyenoord… (Grapje natuurlijk eh, idder zien ding).

De letste dea te laat kwaam waas neemus minder dan ozze performancecoach, al wisten we nea ens dat we dea hadden, tot we vandaag op voetbal.nl keken, zoe zuuse ma weer dasse noeits te ald bis um te lieren. Hoe dan ok willen weej deze hieren bedanken veur eur beejdrage aan os teamuitje dit seizoen! Dan door nao de warming-up van dees weak, ik weit wat ge dinkt, die zal wal weer nea vuul soeps zien geweas, nou minsen dan hebt ge ut toch finaal mis. Weej hebben namelijk nog noeit zoe oetgebreid de tied genaome um werm te laupen. Rond de klok van 10 aor stonden zoewel os jonge goden als Hegga 4 klaor op veld 3 in Grubbenvorst. Roel blees op zien fluitje en al snel werd duudelijk met welk doel Hegga nao Grubbenvorst waas gekommen, namelijk unne sponsordeal beej VieCuri in Venlo aafdwingen. De voetbalschoon hadden ze beej Hegga ingewisseld veur schoefels en de ein nao de andere van os werd umver gemeijd met ut doel os in ut ziekenhoes te kriegen leek ut wal.

Desondanks leten we os nea aafschrikken en begosten we verrassend sterk aan de wedstrijd. We zullen zo’n kwarteerke onderweag zien geweas wie Linders junior ut net vond, 1-0. Helaas had Linders senior un tiedje later nea zien beste moment van de wedstrijd, unne corner van Hegga kwaam hoeg invlegen en hea schatte um nog al verkierd in. Heej door kos unne vreej staonde speuler van Hegga dea achter m stond de bal zoe d’r in koppen, 1-1. Verder hadden onder andere Jens en Dylano gooje kansen um os weer op veursprong te zetten. Jens vloog achter un fijn steekbelke aan en leek 1 op 1 met de keeper te gaon kommen, ware ut neet dette finaal umver gestampt werd van achter dao eine van Hegga. Helaas bleef de geale kaart veuralsnog op zak beej Roel. Dylano daorenteage pakte ut anders aan, vanaaf un gooje 20 meater van de goal noom hea de bal op de slof, helaas belande ut belke op de lat en ging d’r net nea in.

Gelukkig maakte ozze keepert verder gen fouten/blunders in de ierste helft en zoedoende gingen we dan ok met 1-1 aan de thie. In de rust werd begonnen met idderein dea zien zegje effe wou doon, Luc wachtte dit rustig aaf veurdet hea zelf zien bespreaking begos. Gen zurg minsen, Luc lette op ziene hartslaag en bleef rustig. Vervolgens werden nog enkele tactische wijzigingen doorgevoerd, Joppie kwaam d’r beej in ut veld en Richard mocht auk eindelijk zien debuut gaon maken. Zoe kosten we weer teruuk in de reagen ut veld op.

Wie Roel op zien fluit bloos veur de twiede helft stond d’r inens un ander Vlaggenschip op ut veld, d’r werd un aardig balletje samengespeuld en combinaties werden vaker gevonden. Ut deurde dan ok nea huul lang veurdet Jens veur zien twiede treffer van de daag teikende, 2-1. Dit leidde tot wat frustraties beej Hegga en dus gingen die nog wat lomper speulen. Björn mocht dit helaas aan den lijve ondervinden en werd op de schoefel van Hegga gelaaid. Roel vond heej wat van en steurde de speuler van Hegga met un geale prent boete de lienen. Heej wiste os jonge goden wal raod mei. Via unne snelle counter stifte Lars de bal euver de letste linie van Hegga heer en Jens rende d’r met un rot vaart tussenoet en kwam no wal 1 op 1 met de keeper. Als revanche schoot hea de keeper met bal en al de goal in, 3-1. Korte tied later buitte Figo de man mier situatie nog verder oet en scoorde de 4-1. Toen kwaam de speuler van Hegga terug van ziene cooldown boeten ut veld, en dea rook blood. Zodoende werd zo’n 10 minuten later dao Hegga unne aanval opgezatte. Helaas ontbrook beej os verdediging enige communicatie en zoedoende mocht de spits van Hegga vreej oethalen, 4-2. Hegga kreeg weer un bietje mood en dacht nog wat te kunnen haole in Grubbenvorst, Lars waas ut dao nea gans mei ens en boorde die gedachtes snel de grond in door de 5-2 in ut net te leggen. In de twiede helft kwamen auk Harm en Poelie dicht beej un goal, ma helaas net nea, volgende kier beater.

Heej mei zitten os beaker wedstrijden d’r weer op, oftewal oefenwedstrijden volgens Luc en met de zekerheid det we gen letste weare in de bekerpoule zien we mier dan tevreeje. Auk hebben we vandaag gezeen wat we nog kunnen verbeateren veur de start van de competitie, det zien veurnamelijk ut nemen van corners en de communicatie binnen de achterhoede. Man of the match is deze weak Harm, dea speulde de sterren van de hemel op un positie wao hea normaal noeits speuld, congratuliere met deze titel kerel! Volgende weak vangen weej aan met de competitie, thoes, teage de Melderse 4. Kom det zeen, beej zien is meimaken.

De heer zij met u en met uw geest, Amen!

Registreren Waarom registreren

Als je geregistreerd bent, is je naam vastgelegd en weet iedereen zeker dat jij het bericht ècht geplaatst hebt. Tevens kun je gebruik maken van de volgende onderdelen:

• Doorgeven van afwezigheid bij trainingen en wedstrijden.
• Het inzien van de opstelling van je team.
• Ontvang persoonlijke notificaties per mail of binnen de app.
• Reageren op nieuwsberichten en wedstrijdverslagen.

(Uitloggen)

Succesvol Uitgelogd!

Reageren

 Ik ben geen geregistreerde gebruiker
 Ik ben een geregistreerde gebruiker en wil inloggen bij het reageren

Naam

E-mailadres

E-mailadres

Wachtwoord

Let op: Je schrijft nu een reactie op het bericht van op.

Bericht

Bericht versturenWachtwoord vergeten?