Competitie
6e klasse 21
Datum
16 april 2023 11:30
Scheidsrechter
M.H.M. Verbruggen
Accommodatie
Sportpark 't Spansel
Luttelseweg 26
5975VW
SEVENUM
tel. 077-4671861
Long time no see, maar we zien d’r weer! Ut velt jullie vast op det we allein verslagen posten as we winnen. Kin os niks, ut mot wal leuk blieve. Vandaag ware we te gast aan de verkierde kant van ut spoor. Oet noar Sevenum. Dees verein stond inmiddels samen met IVO stief onderaan. Drie punten pakken zuj, ongeacht de fysieke toestand van enkele, wal motte lukke dochte we.
Op ut schappelike tiedstip van 10:30 vertrok unne colonne wages richting Seffa. Aan opkomst gen gebrek want we waare weer is met un man of 16. Geurts waas de einige ongebroekelike aafwezige, di zoot fijn te vertoeve tusse de Italinezen. Dit beteikende dat “Bosch PST 650 decoupeerzaag Frens” & Marathon Maarten weer ut centrale duo vurmde, ging aafgelaupe kiere best prima. Fitte op rechtshalf en de rest spruk vurzig. Vanaf ut begin zoote de blauwe d’r kort op. Oetgespeulde kansen werde d’r echter neet gecreëerd totdat Frens begos aan ut NK Hordelopen en in de 16 unne schoefel kreeg. Pingel. Rens. 0-1 veur de blauwe. Heat di jong toch eindelik weer gescoord sinds september ofzoe. Un paar minuten later zoog RC14 ozze gelegenheids-rechtshalf Fitte vertrekke en krulde ie ut belke op KDB achtige wijze achter de abwehr van Sparta. Fitte pakte ut cadeautje oet et voilá, 0-2. Noa de 0-2 begos de wisselcarousel en kakte ut un bietje in. Toch waas ut Fitte di teikende veur de 0-3.
Net veur rust leet Robo zich hiel mekkelik oetkappe door de nr.10 van Sparta en schoot de bal via de bluts van Frens de goal in. Mark haj um anders gehad. Mark haj doarveur trouwens echt unne puike save toen Robo stond te pitte beej unne corner. Tied veur un bekske thië.
In de rust dreide de wisselcarousel door en mocht opa veurin goan balle. Paul en Daan vervinge Zaag en Marathon. De ierste 20 minuten waren la la, d’r lukt neet vuul en ut waas rommelig. Paul vond ut welletjes en docht ik jank de bal de kruusing in. Dit dinkt ie vaker en meistal lukt ut um neet en scheet ie losse flodders. Dees kier echter wal. Eigenlik mot ik di jong gen veere in de reet douwe ma dit waas unne puike poeier. Sevenum deed zoe ongeveer ut zelfde terug en krulde ut belke fijn de kruutser in. Coach Vestjens vond ut moei geweas en wisselde Lei en Roel weer ut veld in. Binnen un minuut waas ut 2-5. Opa (zien hoëgte punt van de wedstrijd) speulde Roel in di op zien beurt ut belke hendig euver de letste man wipt. Lei, de man di met de minste minute de meiste goals makt, zoog zien kans en lobte ut belke euver de keepert hin, wederom un puike goal.
Heej bleef ut beej, zakelijk euverwinning veur de Blauwe die dit seizoen toch weer veerde goan weare. Bedankt veur ut leaze en bis nächste Woche!
Als je geregistreerd bent, is je naam vastgelegd en weet iedereen zeker dat jij het bericht ècht geplaatst hebt. Tevens kun je gebruik maken van de volgende onderdelen:
- Doorgeven van afwezigheid bij trainingen en wedstrijden.
- Het inzien van de opstelling van je team.
- Ontvang persoonlijke notificaties per mail of binnen de app.
- Reageren op nieuwsberichten en wedstrijdverslagen.
Succesvol Uitgelogd!
Reageren