Sorry Tegelen

Sorry Tegelen

Sportclub Irene 4 (zon)

3 - 4

SSA S.V. Lottum - GFC'33 4 (zon)

Competitie

6e klasse 21

Datum

25 september 2022 10:00

Scheidsrechter

J.C. Kusters

Accommodatie

Sportpark De Bakenbos
Bakenbosweg 4
5932AH
TEGELEN
tel. 077-3260055

Leef luuj ut is weer zondig!

Noa un denderende beakercampagne waas ut zowiet veur de competitie. Teagestander van vandaag waas ut veerd van Irene oet Tegele, ge wet wal, doa aan de verkierde kant vaan de Maas bijna in Remunj. Met un oetgedunde selectie arriveerde we op Sportpark de Bakenbos. Vandaag ontbrooke Maarten, Raoul, Funs, Len, Emir en VDB. Van di letste weite we neet of ie nog in leave is.

Mark waas wal truuk en stond dus weer tusse de peul wat beteikende dat Frens kos brommere op de rechtsboete. Verder spreakt de opstelling, veur jullie as trouwe fans, veurzig.

In os maagdelijk witte shirts, die neat te onderscheide ware van de Willem II tenues van Irene begoste we verschrikkelijk slap aan de wedstrijd. Ut leek asof idderein pudding in de bein had. Volgens de bank waas ut neet um aan te zeen en dat geluif ik geer. Wat un ellende. Toch waas ut Frens di nao un minuut of 10 zich door de verdediging wurmde en ut belke in t net prikte. Irene prikte helaas enkele minuten later al de 1-1 teage de touwe. We kreege door dat ze op snelheid achterin wal te kloppe waare. Noa un paar vernaggelde kansen trok Frens de bal veur op Roel di dees kier ni faalde en de bal simpel binnentikte.

Paul haj auk door dat de keepert ni zo good waas en joog de bal van 30 meater hoëg de goal in. Wederom prikte Irene 5 minuten later weer de 2-3 teage de touwe noa desorganisatie (Mark hajse neet ff kunne schrieuwe?) op ut middenveld en achterin.

De toeschouwers hajje in de rust beater noa hoes kunnen goan. Wat d’r nao de rust gebeurde heb ik eigenlik gen weurd veur ma goj ut toch proberen. Ik zal ut kort halde.

Lei kwaam binne de liene en kreeg ut veur elkaar um binnen 15 minuten te scoren en weer geblesseerd ut veld te verloate. Ferry de Regt (jejao di van VVV) waas auk binnen de liene gekomme en haj eigenlijk allein zin um te vervealend te doon hajje we ut idee. Zoeas ge door het verleep ut neet hiel vriendelik en waas d’r aardig wat gegreek. Toch heelt un strijdvaardig veerde stand en sleep un 3-4 euverwinning euver de streep. Dan rest os maar ein ding um nog te zegge: “sOrRY tEgeLEn”

Volgende weak meuge we weer thoes aantreeje teage ut viefd van ut Ven.

#sorrytegelen #ferryderozeflamingo

 

Delen

voeg je eigen gadgets toe aan deze pagina!