De Vedettes hebben alles onder controle met nieuwe coach

SSA S.V. Lottum - GFC'33 4 (zon)

3 - 0

MVC'19 4 (zon)

Competitie

6e klasse 21

Datum

5 maart 2023 11:00

Scheidsrechter

J.J. Pater

Accommodatie

Sportpark Den Haspel
Ericaplein 50
5971GC
GRUBBENVORST
tel. 077-3661888

Guten Tag Leute, schön euch wieder zu sehen. Noa ut spektakelstuk van veurige week koste we os vandaag revancheren teage ut ensemble oet Bree. Stan waas geschorst dus waren we maar met 17. Vandaag beejgestaoan door ozze eigen Sarina Wiegman, namelijk Inge Vestjens! Frank, weej winse dich names de vedettes alvast sterkte de komende weake. Di zal dit nog duk te huure kriege.

Tiedens de wermingup drukte Vestjens al geleik eur stempel op ut team. Roel kreeg op zien donder umdet ie genne gojje wermingup deej. Mark moos wat mier springe en Fitte moos ok ma is mier zien best doon. Noa un ontbreakende tactische bespreking stapte de vedettes um elf oor de plak op wat ut hoefdveld veur moos stelle. Ik moet ierlik zien, d’r gebeurde neet gigantisch vuul. Peijs veel weer is geblesseerd oet en werd vervange door ozze Daan. Daan kreeg noa vief minuten unne zaag en verdreide zien knie. Dit gebeurde echt op slaag van rust. Paul jengelde de bal strak veur en Papi knikte um beheerst onder in t hoekie. Zoeas Gijpie zuj zegge: Lekker man!

In de rust wisselde os tactisch meesterbrein Vestjens Fitte d’r in en Geurts d’r oet. Auk werd d’r vuul te zeute thië gedronke. Moandaag weer noar de tandarts…

Met unne frisse Fitte in de ploog ginge we opzeuk noar de 2-0. Althans det waas de bedoeling. MVC kreeg opens 10 corners op riej. Neet dat die gevoarlik waare ma toch. Kopsterk waare ze neet. Ze jaste elke bal lang op unne Wouter van Denzen look a like. Maja di waas 170 en stond beej ozze Jobbo.

Marathon Maarten kreeg opens un bloodneus. Roel weer binne de liene en toen gebeurde iets woa we ut ganse seizoen al op hamere. Rens leet ut belke valle. Roel stook Fitte deep. De Puch Maxi werd gestart en Fitte drukte aaf met boetekant rechts. Oet ut boekje.

De vedettes hajje de volledige controle. MVC kwaam neet mier van de eigen helft aaf. Ozze Lei kreeg beej ziene return in de letste minuut unne stuiterbal veur zien veut. Zonder noa te denke jaste ie de bal van 20 meater euver de keepert de goal in. Dit waas teves auk de eindstand. Ohjoa, Raoul heat d’r nog eine op de brancard gewerkt.

Inge bedankt veur alle positiviteit vandaag en ut binnehale van de dreej punte!

Wannier teikens se ut contract?