Unne hule goojendaag fijne minsen, leuk det ge d’r weer ziet beej os verslaag euver os (wan)prestaties op de velden in de Kelderklasse. Helaas koos ik veurige weak d’r nea beej zien, zoedoende stond d’r unne nieje auteur op oet os midden. Ik zou m geer ff in de spotlight op ut pleinfiëst willen zetten, ware ut nea det deze auteur gear anoniem wil blieve, toch complimenten aan m veur un prachtige verheulke.

Dees weak waas ut helaas weer vroeg pissen veur os jonge goden, um 08:45 moost namelijk idderein al beej sportpark D’n Haspel klaor staon veur vertrek. Helaas lukte det 3 man nea op tied en zoedoende kump un teamuitje nao un tropisch eiland volgend jaor toch aardig dichtbeej. Verder waas auk eemus zien zuk vergeate dus al met al is de pot weer good gespekt dit weekend, fijn.

Einmaol aangekommen op os bestemming, ut sportpark van Brookhuzevorssss, werd d’r umgekleid en begos aan unne warming-up. Wie elke weak waas dea weer un bietje mwah, mwah, ma goed. Wie de kerktoren in Brookhuzevorsssss 10 kier sloog floot de scheids veur d’n aaftrap. Zo’n halve minuut van te veure kwaam de elfde man van SVEB pas aangehobbeld trouwens, dus os laatkomers velen nog enigszins mei. Wat toen gebeurde gaon we nea al te vuul wurd aan smerig maken. Neemus van os Vlaggenschip had de slaop oet leek ut wal, d’r zoot weinig pit in en veur elkaar werken gebeurde al ga nea. Ut waas dan ok nea zoe huul gek det SVEB nao zo’n kwarteerke speulen op veursprong kwaam, 0-1. Ut had waarschienlijk auk neemus verbaasd als SVEB heej nao nog wal vaker gescoord had, maar det gebeurde toch neet gelukkig. Meester Pim besloot namelijk det ut tied waas um os allemaol un les te geave in scoren, hea teikende veur de 1-1 en zoe kwamen we weer op gelieke huugte. Figo bleek op de ierste riej beej de les van meester Pim te hebben gezeate, want nog veur d’n thiej teikende hea veur de 2-1.

Met deze stand begosten we ok aan de rust. Nao det idderein zien zegje onderling had gedaon noom Luc ens ff de leiding, d’r volgde unne donderspeech van jewelste. Zelfs de mins dea os werme thiej kwaam brengen zurgde det hea nea langer dan 3 tellen in os lokaal heufde te zien, zegt genog toch? Wie Luc ziene hartslaag weer gekalmeerd waas, waas ut tied veur de tactische wijzigingen van de twiede helft. Ozze Harm mocht zich opmaken um binnen de lienen te treeje en kreeg daorum ut advies zich werm te gaon laupen. Harm goof dao op ut waanzinnige antwoord: “ik hoef niet warm te lopen, ik drink me wel warm”. Dus zoe gezegd, zoe gedaon en weej weer teruuk de wei in.

Luc zien donderspeech leek aan ut begin van de twiede helft weinig zoden aan d’n diëk te zetten, de slappe balletjes bleven rustig euver ut veld rollen. We hadden dan auk geluk dat SVEB dao weinig teageneuver zetten en de spaarzame kansjes die SVEB kreeg werden vakkundig um zeip gehaolpen dao ozze verdedigende linie. Oeteindelijk kwaam ut zooitje ongeregeld van os Vlaggenschip wie unne diesel oet de jaore 80 op geng. Pim verruilde zien baan als lieraar veur postbezurger beej DHL en leverde enkele strakke assistjes aaf. Sonni veult zich weer thoes op zien alde nest, want hea teikende veur de 3-1. SVEB leek langzaam op ut end van eur longinhoud te zien aangekomen en de hoevuulheid kansen veur os nomen toe. De 4-1 leet dan auk nea lang op zich wachten, Pim bezurgde de bal op ut juuste moment veur Linders junior ziene bluts en dea kopte um teage ut netje. Neet vuul later teikende gifo veur ziene 2^e van vandaag en dao mei lepen we oet nao 5-1.

Auk ozze nieje aanwinst van dit seizoen, Devin, wou vandaag nog unne duit in ut zakje doon. Linders Senior had zien richtingsgeveul eindelijk teruuk gevonden vandaag en leverde un belke op maot aaf beej Linders junior, dea vervolgens Devin veur de goal zette. Dao mei legde Devin de 6-1 in ut netje. Ik zal och verklappen det we heej mei nog nea klaor waren met scoren, maar ierst is ut tied veur unne dringende oproop.

Misha waas namelijk inmiddels auk binnen de liene gekomme, allein werd hea dao grandioos ut bos in gesteurd door unne van SVEB. Komend weekend kump d’r auk un foto van m beej Opsporing Verzocht als ut good is. Mocht ge m toch al ierder ergens teage komme steur m dan veural op de juuste bus teruuk nao Grubbenvorst, dankewel alvast!

Dan teruuk nao de letste minuten van de wedstrijd, Jens liek de wens te hebben dit jaor wal topscorer te weare beej GFC’33 en legde nog gauw de 7-1 d’r in veur de scheids kos aaffluiten.

En dao mei stond auk de eindstand vast van vandaag, ut mocht ff deure ma dan hesse auk wat. Luc zien samenvattende woorden betreffende de wedstrijd waren: “Ut waas neet vuul vandaag, maar wal gewonnen.” Ik mot zeggen, zelf had ik ut neet beater kinne umschrieve en zoeals ge vast wal al ens gemerkt hebt, auk neet korter. Dan tot slot, man of the match waas dit kier neemus minder dan Richard, keurige pot gespeuld jong en als pries meugse de aanvaller van SVEB in de tes mei nao hoes nemen! Volgende weak meuge we aantreeje teage America 3, nea neet America aan de andere kant van de oceaan ergens, nea gewoën lekker dicht beej hoes in Horst-America. Det durpke wao auk de slotconcerte zien enzoe, wet ge wal? Ik zou zeggen wies dan, want beej zien is meimaken!

De heer zij met u en met uw geest, Amen!

Registreren Waarom registreren

Als je geregistreerd bent, is je naam vastgelegd en weet iedereen zeker dat jij het bericht ècht geplaatst hebt. Tevens kun je gebruik maken van de volgende onderdelen:

• Doorgeven van afwezigheid bij trainingen en wedstrijden.
• Het inzien van de opstelling van je team.
• Ontvang persoonlijke notificaties per mail of binnen de app.
• Reageren op nieuwsberichten en wedstrijdverslagen.

(Uitloggen)

Succesvol Uitgelogd!

Reageren

 Ik ben geen geregistreerde gebruiker
 Ik ben een geregistreerde gebruiker en wil inloggen bij het reageren

Naam

E-mailadres

E-mailadres

Wachtwoord

Let op: Je schrijft nu een reactie op het bericht van op.

Bericht

Bericht versturenWachtwoord vergeten?