Veni Vidi Vici

Veni Vidi Vici

SSA S.V. Lottum - GFC'33 6 (zon)

6 - 1

Melderslo 4 (zon)

Competitie

6e klasse 24

Datum

25 september 2022 11:00

Scheidsrechter

A.P.T. Boers

Accommodatie

Sportpark Den Haspel
Ericaplein 50
5971GC
GRUBBENVORST
tel. 077-3661888

Beste vaste leazers van os verslaag (minstens 4), we beginnen met schokkend nieuws. Helaas waas os vaste auteur (Linders Senior) d’r neet beej zondaag, daorum schrieft nou ein anonieme auteur veur och.

We hebben dit weekend weer ens ut stof van de kicksen aafgehoald um ein pot te gaon speulen teage die van de Meeeldeeerse 4. Al mot ik zeggen beej de ein ging ut in de morgen wat mekkelijker dan beej d’n ander, naodet zoewat ut complete team de zoaterdaag beej Dagcollege in ut lampenstedje waas geweas. Daorbeej waas det neet ut einigste fiëst wat dea daag heat plaatsgevonden de mooder van ozze Gifo waas auk jeurig, alsnog gratuliere namens ut ganse vlaggenschip Mirjam! Klokslaag 10.00 aor stond, zoewat ederein in de kantine, waor de Doritos bits opwaren gen flauw idee wie det kin maarja... Helaas waas det neet ut einige wat ontbrook dea ochtend, de tenues waren auk nog beej dae halve Lottumse van Coenders blieve liggen. Gelukkig kwaam toen ut lichtpuntje aan de horizon wat ozze ochtend gemakt heat, we mochten op ut hoofdveld oftwel tied um te vlammen.

Um 11.00 aor besloot de scheids op zien fluit te bloaze en begos d’n bal te rollen. Ozze nieuwe/alde aanwinst Sanny besloot toen maar eins teage de touwen te knallen en teikende veur de 1-0. Eine van de Melderse haj duudelijk de veagwagen van de gemeinte geliënd en besloot daormeij zoe ozze Purk umver te veagen. Ozze clubarts Wollie twiefelde gen moment, en rende met un topsnelheid van 87,3 Km/h met de waterzak ut veld op. Gelukkig waas ozze Purk weer snel opgelapt, en kos ut spelke hervat weare. Ut belke begos good te rollen en zoe scoorde ozze topscorer van Linders d’n 2-0. Ut leek wal alsof d’r op de training samba geoefend waas, want ut waas zuuver tiki taka op d’n Haspel. Ozze Jens kreeg ut belke weer veur de veut en besloot daormeij d’n bal wederom met un rotvaart in de goal te jassen, en de 3-0 stond.

Ik mot och ierlijk vertellen minse det ik neet zoe good heb opgelet, ut zal toen wal ongevier un kier rust zien gewaes veur ogge fantasie. Wat ik och wal kin vertellen is det Fransje d’r in mocht komme in de rust, ma dae dacht volgesmich det hea op un handbal veld terecht waar gekomme. Sonni besloot nao de rust dae bal nog sneller dan un opkommende asperge midden in ut aspergeseizoen oppe goal te knallen, dit resulteerde in de 4-0. Vervolgens besloot Melderse ut toch maar unne kier te proberen, onze vervangende keepert Coenders viste helaas achter d’n bal, verder unne puike pot van um. Daornao scoorde ozze debutant Sanny nog maar us unne kier, anders werd ut toch maar saai veur um. Zoe dacht ozze Linders junior auk dus teikende hea net zoeals Sanny veur unne hattrick, dit resulteerde in un 6-1 eindstand.

Leef minse det waas ‘m dan, de ierste competitiewedstrijd hoapelijk hebt ge d’r van genoate. Onze trainert Luc heat deze weak gekoaze veur mier dan eine man of the match, namelijk: Gifo, Lars, Harruuumm en Miesja. Zoe zuut ge maar weer dames en hieren um man of the match te waere hoefse gen hattrick te scoren, un kwarteerke kin zat zien. We zeen och volgende weak geer teruuk langs de lien veur ozze kraker teage SVEB in Brookhuuzevors um 10.00.

De heer zij met u en uw geest,

Pleinfiëst!

Delen

voeg je eigen gadgets toe aan deze pagina!