Unne hule goojendaag allemaol, wir sind wieder da. Zoe als ge veurige weak kos leaze in os verslaag moosten weej dit weekend de kraker teage Horssss speulen, die net als os dit seizoen nog niks verlaore hadden. Oftewal ut ging vandaag um de koppositie van de kelderklasse. Schienbaar waas half Grubbenvorst dao van op de hoegte, want ut publiek stond in groete getaale langs d’n lien. Wie det kin, gen idee, ik kin mich nea veurstellen det die allemaol dit stukske onzin elke weak leaze. Ik dink ierder det d’r posters of iets dergelijks op de SRV van Relouw head gehangen euver ozze wedstrijd. Maar goed, in idder geval bedankt veur och komst allemaol!

Eigenlijk wie weej aan ozze warming-up bezig waren en zogen dat Hors ok begos werm te laupe zogen we al det die oet ander hout gesneeje waren dan alle veurige teagenstanders. Verder hebben we gewoen lekker os eigen ding gedaon in de warming-up en werden nog ff de letste tactische zaken en wensen van de trainer Lucas bespraoken.

Rond de klok van 11 werd d’r dan toch maar ens aafgetrapt veur de pot um de koppositie. Al snel bleek det oetgereakend vandaag nea ozze beste daag waas. As we balbezit hadden deurde ut vaak nea langer dan un halve minuut veur we de bal weer aan de teagenstander goven. En dan te bedinken det vrouwlie vaker klagen det ein minuut al kort is, kinse zelf naogaon wat alle dames langs de lien gister gedacht motte hebben wie we nog korter de bal in de ploog kosten halden dan dat. Misschien waas ut groete aantal toeschouwers ok wal de verklaoring veur os slechte spel, zonne druk is natuurlijk neet niks. Met name enkele aanvallers van os zoten d’r neet zoe lekker in deze wedstrijd. De spaarzame kansen die we creëerden wisten we zelf vakkundig neave te werken of beej de keeper in de hand te schuppen, neet hendig natuurlijk als ut um de knikkers geit.

Ut waas dan eigenlijk ok min of mier wachten op un goal van wittenhorst en nao zo’n 20 minuten in de wedstrijd gebeurde det dan auk. Unne waardeloze paas werd aafgestraft door wittenhorst en zoe stonden we 0-1 achter. Aafgezeen van os slechte spel en balverlees waas wittenhorst auk huul wat fysieker in de duels van os, sommige leken wal bang um ut duel met de teagenstander aan te gaon. Natuurlijk zoten dao auk oetzonderingen tussen, wie elke weak klapte Tuur gewoen euveral vol d’r op en ok Harm herinnerde idderein d’r ff aan dat we aan ut voetballen waren en neet aan ut schaken. Verder bracht de ierste helft nea zoe huul vuul spannends, achterin stond ut wie un hoes op zich, waodoor hors nea mier aan scoren toe kwaam. Ut fluitsignaal veur de thie kwamen dan ok wal un bietje als geropen. Einmaol in ut kleidlokaal bleek det aan de kleine kant te weare tegenwoordig de vaste staf greujt met de weak. D’r werd unne haup gegreekt euver wat d’r allemaol mis ging en uiteraard had ok ozze trainert enkele woorden te vertellen euver de ierste helft.

Vol goeie moed gingen we teruuk nao boete veur de twiede helft. Helaas deurde die gooje moed nea huul lang. Door slordig met de bal um te gaon kreeg wittenhorst al snel un vreeje schotkans en maakte hors zoe de 0-2. Det waas de knak veur mierdere van os, de kupkes hingen nog verder umlieg dan unne oetgedruugde kerstbaum dea te laat de deur oet get. We kregen nog wal enkele kansen, maar ut geluk waas neet aan os zijde, we kregen de bal d’r neet in. Nao ein van dees kansen kwaam wittenhorst met unne counter, Dylano leek dea good te gaon verdedigen totdet hea pontificaal in de rug geduwd werd door unne speuler van wittenhors. De zous dinken, de scheids fluit de aanval aaf, maar nea huur. Wao we nog unne vreej trap teage kregen wie Figo in de ierste helft un schouderduwtje oetdeilde leet de scheids no inens doorspeulen. Dus helaas volgde heej oet de 0-3.

Aafgezeen van de dreiging um te scoren vanoet Hors noom auk de dreiging um os enkels kwiet te raken vanoet Hors toe. De eine van Hors kwaam nog idioter en onbesuisder ingevlaoge dan de ander. Hoewel ze Graaf ter Horst als sponsor op ut shirt hadden staon leek ut d’r ieder op det de Interchalet ze enkele zagen en schoeffels had gesponsord. Ut toppunt waas de zaag op ozze Tuur. Tuur tikte de bal weg en woei d’r achteraan gaon, unne van wittehors doch dao echter anders euver en meijde m zonder pardon finaal van achter onderoet. Huul ff leek ut d’r op det de scheids dan toch eindelijk un kaart ging trekken veur de idiote slidings en euvertreejingen van hors. Niks waas minder waor, want wie hea ze nea kos vinden in zien tes, de dader van hors nao de scheids toe sprintte en sorry begos te ropen en de scheids un handje goof in plaats van Tuur waas d’r niks aan de hand volgens de scheids. Weite we det auk weer veur unne volgende kier.

Auk de 0-4 van hors waas weer un uiterst discutabele beslissing van de scheids. Hors kwaam met twiej man op ozze goalie aaf. Dea met d’n bal schoot op goal en dea leek d’r in te goan, um zeker te zien tikte dea twiede de bal d’r definitief in, maar stond finaal boetenspel. Echter bleek auk det bliekbaar te meugen van de scheids, dus zoe zuuse ma weer, de bis noeits te ald um te lieren. Ondertussen leep de wedstrijd op zien end, maar vlak veur ut eindsignaal stifte de spits van hors de bal toch nog euver Sven de goal in, in un 1 op 1 actie, 0-5 en dao mei stond de eindstand vast.

Met andere weurd, os ierste oerwassing van dit seizoen. Gelukkig hebben we ok n team det nao de wedstrijd nog ff vief a tien minuten op mekaar greekt en dan toch gezellig samen beer kin drinken, dus det hebben we toen ok maar gedaon. Zoedoende hebben we de 3^e helft in idder geval diek gewonnen. Dan rest os nog de man of the match bekend te maken, det waas dees weak ozze Tuur. Congratulieren kerel, de waas ein van de enige dea in deze pot wal volle bak un duel aan ging en probeerde te redden wat d’r te redden veel. Al zien we natuurlijk neet anders van m gewend. Volgende weak weer unne kraker tussen de 2 van de beuvste oet os kelderklasse competitie. Ik zou zeggen kom allemaol kieke in Tegelen, dao speule we teage Irene, beej zien is meimaken (#sorryTegelen).

De heer zij met u en met uw geest, Amen!

Registreren Waarom registreren

Als je geregistreerd bent, is je naam vastgelegd en weet iedereen zeker dat jij het bericht ècht geplaatst hebt. Tevens kun je gebruik maken van de volgende onderdelen:

• Doorgeven van afwezigheid bij trainingen en wedstrijden.
• Het inzien van de opstelling van je team.
• Ontvang persoonlijke notificaties per mail of binnen de app.
• Reageren op nieuwsberichten en wedstrijdverslagen.

(Uitloggen)

Succesvol Uitgelogd!

Reageren

 Ik ben geen geregistreerde gebruiker
 Ik ben een geregistreerde gebruiker en wil inloggen bij het reageren

Naam

E-mailadres

E-mailadres

Wachtwoord

Let op: Je schrijft nu een reactie op het bericht van op.

Bericht

Bericht versturenWachtwoord vergeten?