Goojendaag fijne minsen die zich weer ens de tied hebben genaome um deze onzin door te leaze. Allerierst nog os felicitaties aan maar liefst twiej man van os team, eine speuler en ein staflid. Allerierst os Tuurke en als twiede natuurlijk auk ozze clubarts, Bram, al verkoos hea dit weekend de nog wermere zon baove os geklungel aanzeen. Det d’r nog vule jaore beej mogen komen veur beide.

Dit weekend mochten we aantreeje teage de ezels van Sparta 4 oet Zearum. Op ut hule schappelijke tiedstip van 10:45 werd d’r verzameld beej os sportpark in Grubbenvorst veur vertrek. Wie idderein fris en fruitig aanwezig waas kosten we de bolides in richting Zearum veur os vaste bezigheid op de zondaag. Dao aangekomme hebbe we os snel umgekleid nao os witte pekskes en zien we aan de warming-up begos. Gelukkig draagde ut moeie wear beej aan ut werm weare van os jonge goden en det waas auk te zeen in ut afwerken beej de warming-up, de belkes vlogen met regelmaot de kruutser in. Det belaofde vuul goods.

Ut zal zoe ongevier 12:00 zien geweas wie ut scheidsie floot veur d’n aaftrap, en tja, wie ik no mot umschrieve wat d’r toen gebeurde weit ik zelf eigenlijk auk nea zoe good. Laote we ut halden op geluk beej un ongeluk, vreej toepasselijk dink ik namelijk. We begosten namelijk best bagger aan de pot in Zearum, slordig met balbezit en hoewel idderein oet kos slaope vandaag mos toch idderein ff wakker weare. Effkes leek ut d’r zelfs op dat die ezels oet Zearum unne aanval op gingen zetten. Gelukkig hebben weej nog altied Tuur als reddende engel in de achterhoede en dea stopte vakkundig de aanval en zat zelfs de counter op. En dea counter bleek unne gooje te zien, want middels dea counter teikende os Sonni veur de 1-0. Nou huur ik och dinken, die snelle goal mot och als Vlaggenschip toch wat vertrouwen hebben gegeave en aanleiding zien tot beater voetbal as scoren zoe mekkelijlk werd. Niks waas helaas minder waor, dus dao veur auk os excuses nao ut in groete getaale aafgereisde publiek aan os zijde.

Gelukkig bleek Zearum gewillig mei te gaon in ut slechte voetbal, waodoor zo’n 5 a 10 minuten later de 2-0 binnen getikt werd dao Gifo Seelen. Wea had nou gedacht det unne nuchtere Figo good zou oetpakken, ik neet in idder geval. Ondanks ut slechte voetbal ging ut scoren vandaag toch verrassend mekkelijk, want nea al te vuul later waas ut the man, the myth, the legend Maus dea auk ut net vond, 3-0. Sparta had neet eure daag vandaag en probeerde veural middels de lange bal d’r wat teageneuver te zetten, helaas veur eur met weinig succes. Met die werme zon de ganse tied op ozze bluts waas d’r van te veure al unne drinkpauze aangevraogd beej de scheids. De scheids had nao zo’n 22 minuten speule al de fluit in de mond veur de drinkpauze, ma veur dette kos fluiten legde Sonni nog ff snel de 4-0 achter de keepert van Zearum. Heej nao kos idderein dat toch ff unne fris slok water nemen veurdet we weer aan de bak gingen.

Nao weer enkele minuten onderweag te zien wou auk Björn unne kier in ut verslaag komen, dus besloot hea de 5-0 maar ff d’r in te prikken. Ut ging os eigenlijk best good aaf ondanks os slechte voetbal. Maar toen leek ut d’r toch echt op det auk Sparta unne kier mocht scoren vandaag, Harm kreeg d’n bal teagen ziene erm in de 16 meater van os zelf en dus kregen we unne penanty teage. “Dea penanty van Zearum hoof ik toch nea te filmen, dea geit d’r toch wal in” aldus ozze Misha. Ra ra politiepet, Sven docht dao anders euver, oftewal gen goaltje veur Zearum. Enkele minuten later vond meester Pim ut tied um die ezels ff voetballes te geave en teikende veur de 6-0 en dao mei auk veur de ruststand. Dit kier hadden we echter genne thie in de rust, maar unne frisse ranja. Verder benaodrukte Luc nog ff wie slecht we eigenlijk wal nea speulden.

Wie de rust veurbeej waas bleek det we nog slechter dan slecht kosten speulen, de scheids floot aaf veur de twiede helft en veurdesse met dien auge kos knipperen hadden die ezels inens gescoord, 6-1. Gelukkig vond Figo nea det Zearum lang mocht gaon genieten van eur goaltje, want weer un minuut later scoorde hea op fenomenale wijze de 7-1. Zelf beweert hea nog altied det ut precies zoe bedoeld waas, um ierlijk te zien twiefelt de rest dao euver. De waorheid zal wal urges in ut midden liggen. Verder waas de twiede helft alles behalve spannend, de wedstrijd waas eigenlijk wal gespeuld, hoewel die ezels van Zearum zelf det nog nea gans woeie accepteren. Als gevolg begos Zearum onderling te zeiken en lomper te speulen, met als hoegtepunt de compleet onnuudige oetschakeling van os feestvarken Tuur. Echter heald de scheids alle kaarten op zak. Al waas det gen complete verrassing, aangezeen Devin in de ierste helft auk al op un volslagen idiote manier onderoet geschoefeld werd en d’r neemus un kaart kreeg. Um de hoap van Zearum dan nog maar ff te verminderen besloot Sonni de 8-1 d’r in te prikken en dao mei de eindstand te bepalen.

Al met al hebben we dus toch ruum gewonnen en hebben we os koppositie gehandhaafd dit weekend. Alle aafgereisde supporters wederom bedankt veur och steun, zonder och waren we ga nurges geweas. Dan door nao de man of the match van deze pot, ofja eigenlijk zien ut d’r twie deze kier. De ierste is Sven weagens de gestopte pingel en redelijk gooje oettrappen vandaag, de twiede is Björn, uiteraard vanweage zien goaltje, maar auk umdet hea unne sterke pot speulde vandaag (als enige zoe ongevier). Volgende weak is ut tied veur ein van de krakers veur de koppositie in os competitie, dan speulen we namelijk thoes teagen Wittehorssssss, die twiede staon momenteel. Ik zou zeggen kom dus vooral allemaol kieken, we hebben och steun hard nuudig heej beej en beej zien is mei maken natuurlijk!

De heer zij met u en met uw geest, Amen!

Registreren Waarom registreren

Als je geregistreerd bent, is je naam vastgelegd en weet iedereen zeker dat jij het bericht ècht geplaatst hebt. Tevens kun je gebruik maken van de volgende onderdelen:

• Doorgeven van afwezigheid bij trainingen en wedstrijden.
• Het inzien van de opstelling van je team.
• Ontvang persoonlijke notificaties per mail of binnen de app.
• Reageren op nieuwsberichten en wedstrijdverslagen.

(Uitloggen)

Succesvol Uitgelogd!

Reageren

 Ik ben geen geregistreerde gebruiker
 Ik ben een geregistreerde gebruiker en wil inloggen bij het reageren

Naam

E-mailadres

E-mailadres

Wachtwoord

Let op: Je schrijft nu een reactie op het bericht van op.

Bericht

Bericht versturenWachtwoord vergeten?