Noa un lange tied van kilo's pakken in plaats van punten waas 't weer is zoewiet. De Vedettes van 't verde elftal mochte weer is de wei in. De teagestander van vandaag waas het 11e ensemble van de Sportclub Irene oet Tegele. Dees jeugd herinnerde weej os nog van veurig seizoen toen we ze thoes 8-2 pakkie goave. Dit joar waren ze echter bezig aan "de weag umhöeg" en werden we veurbeeje weak geïntimideerd door un aantal promotie video's die werden verspreid via de officiële kanalen.

Um os heerop veur te bereiden werd d'r zoaterdaag flink wat alcohol genuttigd. De Tsjechische Becherovka veel veural beej Job good in de smaak. Gelukkig veel ut qua katers reuze meij.

Stipt 10 oar verzamelde de Vedettes zich in de kantine. Afwezig vandaag waren Geurts, Basje Boem, Funs en ozze Lei. Di letste haj de shirts thoesliggen en zoot zelf, zoals ge wellicht al doorhad, te bakken in de Dominicaanse republiek. Paultje koos dus op en neer um ozze maagdelijk witte tenues op te pikken.

Noadet die binnen waren konden we dan toch eindelik beginnen aan de warmingup. Di sloog zoals gewoenlik wer ens nurges op. Noa 20 minuten lanterfanten gingen de shirts aan en kos de wedstrijd beginnen.

Um precies 11 oar scheen ut zunke en floot Pater veur de aftrap. Normaal zien de urste 10 minuten neet um aan te zeen maar vandaag spande wal echt de kroon. We kregen ut neet vur elkaar om de bal 3 kier ronde te speulen zonder m in te leveren. Ut is dat Irene d'r ok niks van bakte maar as ut VOS waas geweas hajje we met 10-0 achter gestoan. De wedstrijd vorderde en de vedettes kwamen steeds korter in de buurt van de goal van Irene. Enkele ballen werden vakkundig vernaggeld tot onvrede van Paul en Roel die, althans dat vonden ze zelf, al beide unne hattrick hajje kunnen maken van randje 16.

Rond de vieftiende minuut krulde Mauro, jawel verloren zoon Mauro aka Doef, de bal beej Roel in de veut di vervolgens ut belke panklaar legde veur Paul. Haj di jong toch eindelijk ziene bal op de rand 16. Zonder noa te denken ramde Paultje de bal snoeihard onderkant lat de goal in. 1-0 veur die witte. Un paar minuten later gebeurde zoewat ut zelfde; Roel deed un oaverstapje en Paul ramde de bal nog ma is op goal vanaf de rand 16. Helaas tikte de keepert um deeze kier wal oet de boavehook.
Teage ut eind van de urste helft ging Doef nog op de brommer en schoot de bal vol euvertuiging euver 't vangnet. In de NFL zujje ze trots zien op zonne poejer.
In de letste minuut veur rust kregen de manne oer Tegele toch nog un kleine kans ma di werd tot opluchting van un sterk speulend centraal duo, bestoande oet Job en Fiene, gelukkig veurlangs geschoate.

Tied vur vul te zeute thië.
In de rust werde Frens en Emir veurin vervangen door Rens en Basje van de B um wat mier snelheid veurin te kriege. Achterin moos Jobbo ut veld ruume veur Opa. Noa enkele aanwiezinge over minse die de bal ni kwamen halen wat resulteerde in gen belkes op de rand 16 wat oeteindelijk weer resulteerde in unne wazige discussie woaroet we eigenlijk kosse concluderen dat we ma gewoen 10 pils en unne half um moose bestelle. Amen. Tied vur de twiede helft.

Opgewermd door de zeute thië mochten we weer de wei in. Ut doel: toch ma un goaltje prikken veurdet Irene det zuj doon.
Rens haj dizze memo bliekbaar neet ontvangen. We zullen ut aantal gemiste kansen maar noar onder aafronden anders lup ut wal oet de hand. Basje van de B prikte echter wal noa un minuut of 15. Helaas vond de grens dat dit abseits en keurde Pater de goal aaf. Dees beslissing waas overigens wal terecht. Pater haj, althans dat dinken we, last van de zon toen Roel finaal werd onderoetgeschoefeld in de 16. Effe later waas ut opnieuw Roel di unne veurzet woj geave. De capitan van Irene mende dat ie op handbal zoot en boekste de bal zoe de 16 oet. Wederom haj Pater last van de zon en goof dus genne pingel.

Fiene haj d'r genog van en docht as ze 't veurin ni bolwerken dan stap ik zelf ma op de brommer. Noa un combinatie met Basje van de B dribbelde Fiene rustig verder richting de 16 en schoot de bal beheersd in de verre hook. 2-0 veur die witte en het  verzet van Irene waas gebroake.

Rens kopte de bal effe later nog met un boogje euver de keepert hin ma Pater vond de onorthodoxe manier woarop Opa en Doef de vreeje trap noome ma niks en keurde um aaf.

Noa nog 10 minuten knommelen floot Pater aaf en waas de ierste euverwinning van 2022 binnen. DE WEAG UMHOEG IS BEGOS.

Volgende weak speulen we weer de maasderby teage IVO. Bedankt veur t leaze en tot volgende weak!