Goojendaag fijne minse, nao un weakske van aafwezigheid, waorin diverse jonge goden van os asnog speulden um andere teams oet te helpen, zien we heute weer teruuk. Ut zunke scheen deze zondaagmorge en idderein waas veur 10 oar keurig aanwezig. Op zich al un hule prestatie. Iets nao 10 werd ut vlaggenschip ut kleidhok ingejaard door d’n Blauwe. Snel werd d’r umgekleid met wat Limburgse volksmuziek op de achtergrond en aansloetend nao boete veur enne warming-up. Zoe as de titel al veroajt, ut waar enne zondaag as noeits te veure. De warming-up werd serieuzer dan normaal oetgevoerd. Helaas ging ut dao beej toch mis veur ozze Harm, dea waas ut rekken en strekken enzoe allemaol nea gewend natuurlijk en blesseerde zich aan ziene hamstring.

Nao de warming-up nog ff teruuk nao ut kleidlokaal veur enkele motiverende weurd van ozze trainer Luc en strategisch consultant Jesse. D’r werd nog ff door Luc benaodrukt det we teage de koplauper moosten vandaag en det d’r dus keihard geknokt moos weare veur de euverwinning. En det onder ut genot van unne nea te harde stank veroorzaakt door the one and only Misha, volgende kier s.v.p. ff thoes gaon schieten, dankewel.

Wea euverigens unne minder moeie zondaag had vandaag waor Mario, dea fijne mins werd oet bed gebeld um te kommen fluiten beej os. Mario bedankt, de waas ozze redder in noed vandaag. Verder get ozze dank auk oet nao de gastspeulers die os kwamen ondersteunen vandaag teage de eazels van Sparta 6, zonder och waar vandaag nea meugelijk geweas. En tot slot uiteraard un woord van dank aan os trouwe supporters, ut is misschien nea altied aan os voetbal te zeen, maar weej vinden ut toch wal fijn det ge d’r staot.

Nou genog gewazel, tied um euver de wedstried te lullen. Sparta klapte d’r vanaaf de aftrap metein op, det ging os jonge goden nea in de kalde kleijer zitten. Ut vlaggenschip zette alle zeilen beej en speulde op geliek niveau mei. Euver en weer waren d’r veur beide teams wat kansen, maar gescoord werd d’r neet. Mede door grensrechters met vlaggen, mede door hard werk van verdedigers en keepers, maar baovenal door onkunde van aanvallers. Ik zal gen namen neumen, maar 1 op 1 met unne keeper kansen meug os veurhoede toch wal mier gaon benutten. En binnen de 5 meater op goal scheten mot eigenlijk auk gewoen raak zien, wederom, namen weare nea geneumd. Wat ein van os aanvallers dan inens wal kin, in dit geval Jens, waas de verdediging van Sparta ut bosje in steuren en vervolgens vanaaf unne meater of 20 de bal in de kruutsing jagen. Puike goal van Linders junior, 1-0. Det waas tevens auk de enige goal in un spannende ierste helft. Verder kin ik och helaas niks vertellen euver de ierste helft, ik vertel zoeas ge misschien wal al door had allein de dingen die slecht goan in dees verslagen. En in de ierste helft van vandaag ging d’r huul vuul good, dus mier dan dat kin ik och simpelweg nea vertellen. 

In de rust sprook Luc veur ierst oeit dit seizoen de magische woorden: “heren complimenten veur de ierste helft, ge speult good”. Noeits gedacht dat ik dit oeits nog mei had mogen maken. Verder werd in de rust un kupke thiej gedronken en enkele wissels doorgevoerd. De twiede helft moos d’r weer keihard gevochten weare, det wist idderein en ik zal och verklappen, det gebeurde auk zeker. Helaas waar ut geluk vandaag nea aan ozze zijde. Nao un minuut of 10 in de twiede helft kregen de eazels unne vreeje trap. De maor van Sven waas gans good en gekeurd door ozze Melvin zelfs, zien eigen positie daorin teage werd enigszins euver getwiefeld door un enkeling. Hoe dan ok, de vreeje trap werd door Sparta in de hook gejaagd en zoe stond ut 1-1. Heej nao ging ut hard, Sparta kwaam rap op veursprong en d’r waas gen halde mier aan. Ut laupvermogen van os jonge goden heeld ut veur gezeen en de blessures kwamen links en rechts boavedrieve. Sparta waar oeteindelijk net wat te good en steurde os met 1-5 van ut veld, helaas.

Ut feit dat we zelf maar ein kier scoorden loog in idder geval nea aan ein van os flankeflisers dea de bal met 100 km/u recht umhoeg in plaats van op goal jaagde. Of aan ein van os dea zelf de goal in rende en dao beej vergoot de bal mei te nemen. Ik klink misschien negatief no, maar minsen, ierlijk is ierlijk. D’r is vandaag door idderein gevochten als lieuwen, ut waas helaas gewoen nea good genog veur de winst. Gastspeulers, nogmaals bedankt allemaol, wea wet zeen we elkaar in de toekomst nog ens op de velden beej ein van os teams.

Paosmaondaag, oftewal 18 april meuge os jonge goden wederom aantreeje op de Grubbenvorster velden, en wal teage Irene 12. Waas unne kei gezellige pot de veurige kier, dus minsen, neem allemaol och familie mei vanoet ut paosontbijt en kom gezellig op familie-uitje nao sportpark D’n Haspel op twiede paosdaag. Beej zien is meimaken.

De heer zij met u en met uw geest, Amen!

Registreren Waarom registreren

Als je geregistreerd bent, is je naam vastgelegd en weet iedereen zeker dat jij het bericht ècht geplaatst hebt. Tevens kun je gebruik maken van de volgende onderdelen:

• Doorgeven van afwezigheid bij trainingen en wedstrijden.
• Het inzien van de opstelling van je team.
• Ontvang persoonlijke notificaties per mail of binnen de app.
• Reageren op nieuwsberichten en wedstrijdverslagen.

(Uitloggen)

Succesvol Uitgelogd!

Reageren

 Ik ben geen geregistreerde gebruiker
 Ik ben een geregistreerde gebruiker en wil inloggen bij het reageren

Naam

E-mailadres

E-mailadres

Wachtwoord

Let op: Je schrijft nu een reactie op het bericht van op.

Bericht

Bericht versturenWachtwoord vergeten?