Goojemorge fijne minse, zien we dan weer!

Nao un weakje van aafwezigheid waas de auteur van os bijbeltestamenten dees weak weer gewoën aanwezig. Korte samenvatting van veurige weak, d’r werd met 2-0 gewonnen van de Melderse door goals van Jens en Sonni. Verder sponsorde Lars alweer de pot door 10 minuten te laat te komme, en det met de tenues…

Nou dan door nao dees weak, op ut fietske nao Velden um 9 oar al. Melvin vond 9 oar vuuls te vruug, dus dea dreijde zich nog ff lekker um. Toen hea um 9:20 wakker gebeld werd stond hea op en kwaam tot de conclusie dette nao Velden moos laupe, oftewal Melvin waas zoe ongevier un oar te laat. De warming-up werd zoeals gewuunlijk weer half euvergeslage, dus dao miste ozze Mellie in idder geval nea vuul van. Nog veur aanvang van de pot sprook Luc al enkele onheilspellende weurd, hea haopte vurig det we in de wedstried beater os best zouden doon as beej de warming-up.

Veur de trouwe leazers heej, welkom teruuk, en geej kint vast wal al raoje wat d’r no get komme. Inderdaad, auk dees weak waas os voetbal weer uitermate slecht. Dit kier waas ut wal zoe slecht dat in ut 150-jeurige bestaon van de Dikke van Dale, ze de weurd veur os wanprestaties van vandaag nog nea gevonden hebben. Un foutje in de opbouw beej os verdediging waas de oorzaak van de 0-1 van IVO. De nummer 14 van IVO kreeg de bal als un cadeautje in de veut geschaove en de lag um vervolgens um Sven heer in de goal. Zoe gingen we met un 0-1 achterstand de rust in.

Doedse stilte hierste in ut kleidlokaal beej binnenkomst in de rust. Luc waas allesbehalve tevreeje en terecht auk. D’r zoot nul pit in os spel, neemus werkte echt veur elkaar. De enkele kansjes die gecreëerd werden, werden vervolgens auk weer vakkundig um zeip geholpen. De eine bal vloog euver ut vangnet, beej de andere mende os veurhoede de bal de goal in te motte dribbelen. Maar goed, nao de rust weej dus weer nao boete veur de twiede helft.

Helaas veur de aafgereisde supporters werd ut in de twiede helft gen ruk beater. Mogelijke oorzaak veur os slechte speulen zou de aafwezigheid van ein van os vaste supporters genaamd Arno kinnen zien. Mocht ge dea fijne mins dus teage ut lief laupe verzeuken weej och ‘m aan te sporen gewoën elke weak te komme kieken. De start van de twiede helft was enigszins enerverend. Harm en Tuur vergoten ff wie det communiceren werkt en botsten met elkaar. De veurhoede van IVO profiteerde heej van en zoe stond ut 0-2 in os naodeil. Nea vuul later maakte Linders junior oet un veurzet de aansloetingstreffer, 1-2. Det bood perspectief veur os jonge goden zouse dinken, helaas, ut teagendeil waas waor. Enkele minuten later volgde d’r namelijk unne corner veur IVO. Poelie, zoe ongevier de kleinste in de ganse 16, kopte de bal in os eigen goal, 1-3 en weg aansloeting. Os jonge goden zette heej weinig teageneuver en waren nauwelijks gevaorlijk. Zodoende kos un tiedje later de aanvaller van IVO rustig de bal good leggen veur zich zelf en op goal scheten. Tuur deed nog un poging de bal neave te tikken, maar det lukte helaas nea en de bal vloog boete bereik van Sven de goal in, 1-4, tevens de eindstand.

Nou huur ik och dinken, geit dea zeurpiet van unne auteur auk nog positief niejs brengen? Jazeker minse, d’r is auk nog positief niejs. Komende vriedaag zal d’r namelijk getraind gaon weare door maarliefst 18 man van ut vlaggenschip, un ongekinde opkomst van os jonge goden. Ik weit zeker dat ut feit dat ut um spareribs eate en beer drinken get dao precies niks mei te maken head. Ohja, man of the match is dees weak boer Harm, waas euverigens nea bepaold moeilijk um vandaag baove ut niveau van de rest oet te stijgen.

Euver twie weake, op zondaag 10 april zeen weej och geer weer neave de lienen van sportpark D’n Haspel te Grubbevors, dan motte we teage de ezels van Sparta oet Zearum, wies dan.

De heer zij met u en met uw geest, Amen!

Registreren Waarom registreren

Als je geregistreerd bent, is je naam vastgelegd en weet iedereen zeker dat jij het bericht ècht geplaatst hebt. Tevens kun je gebruik maken van de volgende onderdelen:

• Doorgeven van afwezigheid bij trainingen en wedstrijden.
• Het inzien van de opstelling van je team.
• Ontvang persoonlijke notificaties per mail of binnen de app.
• Reageren op nieuwsberichten en wedstrijdverslagen.

(Uitloggen)

Succesvol Uitgelogd!

Reageren

 Ik ben geen geregistreerde gebruiker
 Ik ben een geregistreerde gebruiker en wil inloggen bij het reageren

Naam

E-mailadres

E-mailadres

Wachtwoord

Let op: Je schrijft nu een reactie op het bericht van op.

Bericht

Bericht versturenWachtwoord vergeten?