Competitie
6e klasse 28
Datum
31 oktober 2021 9:30
Scheidsrechter
M. Reijnders
Accommodatie
Sportpark Kerkebos
Molenstraat 37
5866AA
SWOLGEN
tel. 0478-853722
Minsen, wat waar ut vanmorgen toch weer vruug, neet normaal. Gisteraovund hadden we met zien allen Megapark euverleafd, vanochtend um half negen moos d’r alweer verzameld weare, geit hulemaol nergens euver. Dea vent in Swollige dea det bedacht had kinnen ze beater wieberen. Maar goed, wonder baoven wonder kwamen allein Poelie en Gifo te laat, teamuitje nao Monaco kommend jaor wuurt zoe steeds realistischer. Vandaag helaas zonder ozze Friet en Sef, Friet waas zeek, zwak en misselijk (nea van Megapark) en Sef head nog nea in de gate dat de competitie begos is en dette dus nea mier kin werken op de zondaag. Gelukkig waas ozze veteraan Maus fit genog um de 90 minuten vol te maken vandaag.
Nao un korte warming up van 5 a 10 minuten werd nao t fluiten van de scheids de bal aan ut rollen gebracht. Maar good dat Swollige gen toeschouwers had vandaag, die kels hebben amper de bal gehad, de witten heersten. Neet dat we nou zoe fantastisch speulden, ut waas wal te zeen det Megapark zien tol had geëist van os jonge goden. De inzet waas nea al te vuul, maar ut balbezit waas toch echt in os veurdeil, allein dao van profiteren deden we nea echt. Helaas veur os waren de mannen van Swollige vlak veur de wedstrijd nog ff gauw nao de interchalet gescheurd um dao de zaagaafdeiling leag te kaupen. In de ierste 20 minuten maakten zoewal Sonni als Jens kennis met dees zagen, beiden velen dao door geblesseerd oet. Swollige leek ierder op ut veld te staon um oerlog te maken dan te voetballen. Echter, kaarten oetdeilen deed de scheids nea aan, hea vond ut allemaol wal good. Nao un half eurke probeerde Pim ut toch ma ens van aafstand, en met succes, de 0-1 waas un feit.
Aafgezeen van al ut zagen kreeg Swollige toevallig toch d’n bal toen vanoet eure aaftrap, dao wisten ze bliekbaar wal raod mei en binnen no time waas ut 1-1. De rest van de ierste helft stelde nea zoe vuul veur, de witten aan de bal, maar verder dan euvertikken kwamen we nea. Ohja, Figo probeerde auk ma ens un kier op goal te scheten, had hea beater nea kinnen doon. In plaats van op goal schoot hea de bal als unne waardige kelderklasse speuler namelijk nao de cornervlag. Verder heald ozze Jesse ut vandaag maar liefst 5 ganse minuten vol als spitta. Tied veur thie. Luc maakte os ff duudelijk dat Swollige gen ruk veurstelde en dat we heej toch wal met winst weg mosten gaon. Dus met un missie teruuk ut veld op veur de twiede helft.
Die twiede helft ging wal wat beater, d’r waas wat mier inzet, maar zonder Sonni en Jens misten we veurin net det bietje euvertuiging. Swollige waas nog altied neet door de zagen hear en nao det ze ff in eur gereedschapskist zochten vonden ze d’r nog unne. Un lompe en onnuudige zaag van achter leverde de spits van Swollige dan toch eindelijke un geale prent op. Oftewal, veur de snelle reakenaars, weej hadden no unne man mier binnen de lienen. Helaas wisten we os heej gen raod mei en profiteerden we d’r neet van. Gelukkig redde Pim os oeteindelijk weer oet de brand, hea tikte vakkundig de bal achter de keeper van Swollige en zoedoende werd ut 1-2. Un tiedje later mocht Job aanleggen veur unne vreeje trap nao det Swollige alweer ein van os umver stampte. De keeper van Swollige merkte nog kei good op dat d’r twie linkspuut achter d’n bal stonden. Gelukkig veur os deed hea verder hulemaol niks met dit feit en Job krulde de bal wonderbaarlijk um de maor, zoe de goal in, 1-3.
Kent geej trouwens det geveul als ge unne bitterbal dea net oet ut vet kump in de mond stopt? Des good heit of nea? Nou zoe heit waas ut letste balletje van de wedstrijd dus auk veur Sven. Hea stopte de vreeje trap van Swollige weliswaar, maar wat un mekkelijke vangbal waas leet hea verdomd snel los als un heite kroket. Gelukkig floot de scheids toen aaf.
Man of the match is dees weak Pim Benders, dank veur ut oethelpen en ut scoren van twiej doelpunten veur os. Leuk feitje, heej mei head hea mier goals gemak dan ozze spitta Lionel Mishi. Volgende weak speulen we op ut vuul schappelijkere tiedstip van 11 oar thoes teage Hegga 4, tot dan.
De heer zij met u en met uw geest, amen!
Als je geregistreerd bent, is je naam vastgelegd en weet iedereen zeker dat jij het bericht ècht geplaatst hebt. Tevens kun je gebruik maken van de volgende onderdelen:
- Doorgeven van afwezigheid bij trainingen en wedstrijden.
- Het inzien van de opstelling van je team.
- Ontvang persoonlijke notificaties per mail of binnen de app.
- Reageren op nieuwsberichten en wedstrijdverslagen.
Succesvol Uitgelogd!
Reageren
