Ja ja, wie os jonge goden wakker werden en op eure telefoon keken zogen ze: ut is weer zondaag, hoegste tied veur en potje ballen. Helaas nog steeds zonder publiek, dus zult ge ut weer motte doon met ein klein verslaegske van os (wan)prestaties. Hoewel de helft maar scherp had wie laat we nou aanwezig moosten zien kwaam toch, alweer, idderein op tied, wünderbar. Nao ozze waardeloze warming-up van veurige weak werd ut vandaag ens ff anders aangepakt door ozze trainers. Mellie moos ziene peuk oet maken veur de warming-up en toen hea det nea metein deed kreeg hea ff unne corrigerende tik, de toën waas gezet door ozze leiders. Dus weej toch ma ff enne gooje warming-up doon, ik mot och waarschuwen, det draagde helaas hulemaol niks beej aan os prestaties vandaag teage IVO 5.

Weagens aafwezigheid van Hans stond vandaag enne fluitert op ut veld van de femmilie Alsters. Veur de snelle reakenaars onder os, dreej van Alsters op ut veld vandaag, zous has dinken det det te vuul is van ut gooje… Nou wie dea floot werd de bal aan ut rollen gebracht en wat volgde waas in ein woord schandalig. De verdediging waas nog lekker dan ut gemiddelde vergiet van de Blokker. Velden kreeg dit door en zat flink druk. Zoe leken ze ok op veursprong te kommen, ware ut neet det eure aanvaller kilomeaters boetespel stond. Echt wakker geschud werden we heej door nog neet helaas. Alle passjes waren ziekenhoesbelkes en als eemus de bal kwiet rakte werd d’r amper en poging ondernaome um dea teruuk te winnen.

Luc waas d’r al snel klaor mei en besloot euver te gaon tot strategische wijzigingen. Harm Coenders, ge wet wal dea van de Coenders met die kerstbuim aan de Witveldweag, kwaam binnen de liene in de verdediging. Gelukkig had dea wal de slaop oet en redde os mierdere kieren van un teagegoal. Ok nao deze wissel bleef de rest, behalve Harm dus, rustig door staon slaope. We hadden dan auk flink geluk det IVO eur kansen neet benutte. Al wuurd ut natuurlijk lastig um kansen te benutte alse als aanvaller van IVO constant tussen Sven en os verdediging in ges staon veur desse de bal kriegs. Det tafereel wuurd dan namelijk boetespel geneumd en des neet toegestaon natuurlijk.

Nou huur ik och dinke, waas d’r dan ga gen lichtpuntje veur ut Vlaggenschip in die ierste helft? Ut antwoord dao op is simpel, jao, d’r waas ein lichtpuntje veur os in die ierste helft. Gifo had nieje kicksen gekocht namelijk, beater voetballen ging hea d’r neet door doon, maar wie hea oethaolde oppe kist van Velden vloog de bal d’r warempel wal in, zoe kwamen weej toch fijn 1-0 veur. De assist kwaam van dezelfde speuler dea veurige nog en oape goal kans miste. Aangezeen ik toen zienne naam nea mocht vermelden laote we det no auk fijn achterweage. Det waas euverigens auk echt os enige lichtpuntje en nao de ierste 45 minuten floot de scheids veur thie. Tiedens de thie maakte Luc os ens haorfijn duudelijk det we allemaol, op Harm nao, waardeloos speulde. Zoe koste we ozze coach weer nao ut complimentje veurige weak. Enkele tactische wissels werden doorgevoerd, de thie werd opgedronke en teruuk de plak op.

Ut werd in idder geval wal duudelijk det de harde weurd van Luc os nea in de kalde kleijer waren gaon zitten. Ut voetbal van os jonge goden werd d’r namelijk wal wat beater op. Mier combinaties werden d’r gevormd, duels werden vaker aangegaon en auk nog ens gewonnen en kansen werden gecreëerd. Det we dan auk nea al snel oetbreijden nao 2-0 of zelfs mier waas os eigen schuld. Euverigens speulde Harm vandaag zoe good det de nummer 8 van IVO ut nea mier zoog zitten um beej Harm te staon, hea wisselde van kant met de nummer 10 van IVO. Nou det had auk gen toegevoegde waarde veur ze, want auk dea nummer 10 van IVO ging fijn beej ozze Harm in de tes. IVO kreeg nog maar enkele kansjes wao Sven gelukkig nea al te vuul moeite mei had. Verder stond ut achterin no wal good, dus die 0 die gingen we wal behalden. Ut scoren dao in teage, det waas en ander verhaal, ut waas ut allemaol net neet veurin. Totdet dao inens weer dea verdreijde Figo opstond. Sven kreeg de bal in zien handen (leet dea auk neet vallen) en haolde ens de trekker euver. Enne heuze kanonskogel kwaam van Sven ziene voot aaf, wao hea zoe head liere scheten is en raadsel. Ma goed, dea kanonskogel landde achter de verdediging van IVO en zoeals ik al zei, Figo stond weer op, dea rende idderein ut licht oet de auge, achter det belke aan. En deze kint ge oppe kalender schrieve, want Figo benutte de dao op volgende 1 op 1 kans gewoen, 2-0.

Achterin werd verder niks mier weggegeave en zoedoende kwaam IVO neet aan scoren toe. Oftewel de maas is wit! De twiede clean sheet van os achterhoede dit seizoen alweer. Verder handhaafden we zoe auk keurig os plekske in de top 3, hatsa! Man of the match dees weak is ozze Harm, dea heald zien menke keurig in de tes vandaag. Als beloening vroage weej och ffkes en leuk kerstbumpke oet te gaon zeuken beej m toes. Volgende weak meuge weej haopelijk cadeautjes oet gaon pakken beej VVV’03, helaas wear zonder och support.

De heer zei met u en met uw geest, Amen!

Registreren Waarom registreren

Als je geregistreerd bent, is je naam vastgelegd en weet iedereen zeker dat jij het bericht ècht geplaatst hebt. Tevens kun je gebruik maken van de volgende onderdelen:

• Doorgeven van afwezigheid bij trainingen en wedstrijden.
• Het inzien van de opstelling van je team.
• Ontvang persoonlijke notificaties per mail of binnen de app.
• Reageren op nieuwsberichten en wedstrijdverslagen.

(Uitloggen)

Succesvol Uitgelogd!

Reageren

 Ik ben geen geregistreerde gebruiker
 Ik ben een geregistreerde gebruiker en wil inloggen bij het reageren

Naam

E-mailadres

E-mailadres

Wachtwoord

Let op: Je schrijft nu een reactie op het bericht van op.

Bericht

Bericht versturenWachtwoord vergeten?