Noa os vol te hebben gespaajd beej verschillende paasbrunches mochte we um 10 oar aaftrappe boave op de berg beej de alde hockeyclub. We waare welgeteld met 12 man, de rest haj ut te druk met schafte beej de family. Aangezeen Harry auk wat beaters te doon haj stond Frenske veur de verandering weer is in de kist. Emir zoot lekker in t zunke op de bank langs interim-coach Raoul en tactisch meesterbrein Maarten. De andere 10 spreaken veurzich.

Noa unne waardeloze warming up trapte Fiene urges rond 10 aaf. De witte goeide direct ut gaas vol oape. D’r werd good drukgezat woardoar de grieze achterin elke kier ut belke lang moos geave. Aangezeen Jobbo deze kier nuchter waas zoot di d’r oaveraal good tussen. Noa un paar minuten deej de grieze oet Venlo zien best um ut gerommel van Daan & Don teage VOS te reproduceren en dat met succes. Roel stapte op de brommer en rolde de bal mekkelik in ut hukske. 1-0 veur die witte. Un paar minuten later kreeg Fiene ut belke op un presenteerblaadje in de 5 meater noa ge-wel-dig oetverdeigen van unne vreeje trap van Opa. Fiene pakte um oet en hoppa 2-0. We goan verder, Funs trok nog un sprintje noar de achterlien en trok um terug op Roel di de bal firsttime oet de lucht in de korte hook prikte. Ut slotakkoord veur de rust waas veur Fiene di good doorjoog  op de alde grieze di wederom de bal verkloette, 4-0. Noa dees goal moos ie zien frustratie effe kwiet en schrieuwde alles beej elkaar woarnoa ie zich wal netjes excuseerde.

Ongekende weelde, 4-0 veur in de rust. Tiedens de rust werd de enige wissel benut deen we hajje, Fiene werd vervangen door Zlatan Emir. Noa un rustpauze van ongeveer 37 minuten haj de scheids toch eindelijk de zin gevonden um van ut terras te komme en toch nog ma ff 45 minuten te komme fluiten. De vedettes hajje zich ondertussen ff lekker beejgekleurd in ut Venloos zunke.

De ierste 10 minuten noa rust waren dramatisch, de eurofische stimmung in de rust waas binnen no-time verdwenen. Ut waas dat de verdediging met unne briljant speulende Jobbo ut team euvereind heelt. Misschien haj ut ierste heej motte kommen scouten veur verdedigers? Ut is maar un tip. Noa un minuut of 15 kreege we de grip weer terug. Funs trok wederom richting de achterlien en Roel tikte um weer binnen. Hattrick compleet. Effe later waas ut wederom Roel di noa unne assist (!) van Emir de bal binnen leep. Jazeker unne assist van ozze Emir. Noa dees geweldige actie waas de piep leag en kwaam Fiene weer binne de liene um, kunt ge ut al roaje? Ut belke weer aan Roel te gunne um ziene viefde van de wedstrijd te maken. De goalie heat aardig wat eikes oet de goal motte halen. De alde krege op ut letst wat mier ruumte um te balle ma Jobbo van Dijk zoot d’r steeds good tussen. Samen met Roel un man of the match waardig op treden wat de eindstand in 0-7 deed resulteren. Euver un weak of 4 meuge we nog unne kier teage dees verrein balle, wal op eigen terrein.

Iers waas ut de beurt aan de pannaverrein oet de Boekend, dees kier hajje we 16 man en Harry stond weer oppe kist. Noa de 0 van Frens veurige weak haj Mark zich wat te bewieze. Gebrand tot op ut bod dat ie waas. Goalgetter Rens waas wear terug net als Paul en Cristiano van de Bercken di zich nummer 7 opgeëist haj. We speulde in matzwarte shirts vandaag aangezeen Pater ut verschil neet kos zeen. Ut waas wederom lekker weer maar ut waas misschien nog wal lekkerder um op de bank te zitten, det haaj Fiene zich good bekeken.

Jobbo waas vandaag gedegradeerd noar de backpositie, unne onaangename verrassing. Misschien deej der Lehrer SS dit bewust um de scouts van GFC1 in te loate zeen dat we beatere backs hebben dan Roel, wie wet.

Registreren Waarom registreren

Als je geregistreerd bent, is je naam vastgelegd en weet iedereen zeker dat jij het bericht ècht geplaatst hebt. Tevens kun je gebruik maken van de volgende onderdelen:

• Doorgeven van afwezigheid bij trainingen en wedstrijden.
• Het inzien van de opstelling van je team.
• Ontvang persoonlijke notificaties per mail of binnen de app.
• Reageren op nieuwsberichten en wedstrijdverslagen.

(Uitloggen)

Succesvol Uitgelogd!

Reageren

 Ik ben geen geregistreerde gebruiker
 Ik ben een geregistreerde gebruiker en wil inloggen bij het reageren

Naam

E-mailadres

E-mailadres

Wachtwoord

Let op: Je schrijft nu een reactie op het bericht van op.

Bericht

Bericht versturenWachtwoord vergeten?