Hallo, hallo, dao zien we weer! Ut waas weer zondaag, oftewal hoegste tied veur os jonge goden um ’n potje te gaon ballen. De aovund d’r veur waas door idderein en aardig pilske gekanteld tiedes os eigen prinsenoetkommen. Prins Misha trooj aaf en de nieje hoegheid, prins Maus trooj aan. Ut waas dan ok wal ’n klein wonder det idderein op tied waas. Met oetzondering van Lars en Tuur, die moosten ierst nog enne blaostest aafleggen um te kieken of ze de aovund d’r veur wal genog beer op hadden. Stipt 11.00 reisde ut Vlaggenschip van GFC’33 aaf nao ’t Ven. De sfeer van de aovund d’r veur werd doorgezatte, Melvin had zelfs de mooite genoame zich opniej te schminken veur de wedstrijd. Of ut waas nog de schmink van de aovund d’r veur, gevalletje vertels dich ut mich, dan vertel ik ut dich. Nou metein maar door nao de aaftrap, want de warming-up werd euvergeslagen.

Vlak veur d’n aaftrap zat de scheids zien brilke aaf en stopte dea weg in zien tes, en det waor nea zonder gevolgen. Ut veld wao we moosten speulen waas en aanfluiting, maar de scheids waas nog erger. Bijna alles wat unne speuler met un wit hempje fout deed werd aafgeflaote, ma as ein van de greune wat fout deed had de scheids inens niks gezeen. Desondanks waas de ierste goal toch echt un fout van os zelf. De Big Ben van ’t Ven mocht oet unne vreeje trap vreej koppen en dea kopte ‘m zoe achter Sven in ’t netje en zoe keken we teage un 1-0 achterstand aan.

Effkes later wisten we ut gelukkig al recht te trekken, ondanks matig voetbal kwaam Sonni toch in un gooje positie veur de kist van ’t Ven en tikte de bal vakkundig d’r in, 1-1. Met dea stand gingen we ok de rust in. Luc goof uiteraard weer unne fixe donderspeech in de rust, want ierlijk is ierlijk, ut waas nea vuul wat we presteerde op ut veld. Nao dea donderspeech waas ut woord aan ozze Jesse, de wets wal de strategisch consultant van os Vlaggenschip en dea blauwe van Aerts. Ik zal och de onzin dea dao oet kwaam besparen, want net as os prestaties waas det 3x niks. Wissels bleven oet toen we begosten aan de twiede helft. Nao mate de tied vorderde werd de sfeer steeds grimmiger binnen de liene. ’t Ven bleef ma stampen, duwen en trekken en de scheids bleef ut ma goodkeuren.

Gelukkig heeld idderein zien hoofd koel van ut Vlaggenschip, behalve Luc wat minder, dus dea kreeg en reprimande van de scheids. Ik kin Luc echter gin ongeliek geave want de scheids bakte d’r nog minder van dan weej zelf. Hoe ut precies zoe ver kwaam weite we ok nea good maar toch stond Jens inens ein op ein met de keeper van ’t Ven en scoorde um auk nog ens, 1-2. Dao nao waas al snel de volgende aan de beurt um te scoren. Matthias prikte keurig de 1-3 d’r in. En ondertussen head ozze Misha nog altied 0 doelpunten, wie is ut toch meugelijk. Vervolgens bleef ut scoren helaas un tiedje stil, we creëerden wal enkele kansjes maar afmaken lukte nea. Pim zoot toen op de bank en had d’r al snel genog van, dus maakte hea de volgende deal met Luc: Luc kreeg un pilsje van ‘m als hea nea zou scoren. Dus hup Pim binnen de lienen gebracht.

En Pim heeld zich aan zien woord huur beste leazers, gen zurg. Sterker nog, hea scoorde maarliefst twie kier en besliste zoe de eindstand op 1-5. Aan die twiede en letste goal ging euverigens nog wal ut ein en ander veuraaf, det ging als volgt. De scheids besloot weer ens ergens neet veur te fluiten, dao had Mert terecht commentaar op. De scheids stelde det nea gans op pries en duipte ‘m tot: “klein kutkind”. Vervolgens ging ’t Ven d’r tussenoet met d’n bal. Eine van ’t Ven goof n steakbelke op ein van eur spitsen. Gelukkig veur os kwaam det belke recht in de handen van Sven en dea maakte d’r gen heit kroketje van. Gelukkig veur Sven zelf had hea boze smurf as beschermingel beej ‘m achterin staon, dea zurgde d’r namelijk veur hea genne doedstrap van de spits heufde te incasseren. Dao oet ontstond un klein opstoetje tussen de spits in ’t greun en boze smurf, maar wederom vond de scheids det gen reeje um zien fluit te gebroeken. Dus goof ozze Spielführer aan Sven de tip um de bal lang te jagen. Zoe gezegd, zoe gedaan en Sonni stapte op ziene pony achter dea bal aan. Helaas gunde de keeper van ’t Ven Sven genne assist en stopte Sonni zien poging. Pim waas gelukkig good wakker en tikte ‘m d’r alsnog in veur os. De scheids vond ut dao nao wal welletjes en deed iets wat hea nog nea zoe vaak had gedaon, blaoze op zien fluit. Einde wedstrijd.

Met deze euverwinning verstevigde ut Vlaggenschip de 3^e plek in de competitie en blief de top en ut kampioenschap aan de horizon in ut zicht. Man of the match van vandaag waas ozze Mellie, vanweage zien geweldige imitatie van boze smurf. Volgende weak verwelkomen weej och weer langs de lienen in ut wonderschoene Grubbenvorst op sportpark D’n Haspel.

De heer zij met u en met uw geest, Amen!

Registreren Waarom registreren

Als je geregistreerd bent, is je naam vastgelegd en weet iedereen zeker dat jij het bericht ècht geplaatst hebt. Tevens kun je gebruik maken van de volgende onderdelen:

• Doorgeven van afwezigheid bij trainingen en wedstrijden.
• Het inzien van de opstelling van je team.
• Ontvang persoonlijke notificaties per mail of binnen de app.
• Reageren op nieuwsberichten en wedstrijdverslagen.

(Uitloggen)

Succesvol Uitgelogd!

Reageren

 Ik ben geen geregistreerde gebruiker
 Ik ben een geregistreerde gebruiker en wil inloggen bij het reageren

Naam

E-mailadres

E-mailadres

Wachtwoord

Let op: Je schrijft nu een reactie op het bericht van op.

Bericht

Bericht versturenWachtwoord vergeten?